6:39 /05/23 at /2017
Fillimi 5 BOTA 5 Trump niset në udhëtim. Vizitë në Arabinë Saudite, Izrael dhe Vatikan

Trump niset në udhëtim. Vizitë në Arabinë Saudite, Izrael dhe Vatikan

Donald Trump

 

“Ne presim që ta tejkalojmë këtë situatë”, tha Trump për gazetarët. Polemikat përfshijnë përjashtimin e ish-shefit të FBI-së, James Comey, në mes të pretendimeve se presidenti Trump kërkonte që Comey të ndërpresë hetimet ndaj ish-këshilltarit për Sigurinë Kombëtare, Michael Flynn.

Kreu i administratës amerikane përballet gjithashtu me pikëpyetjet rreth lidhjeve të tij me Rusinë gjatë fushatës presidenciale dhe pretendimeve se i ka zbuluar informacione të fshehta ministrit të Jashtëm rus, Sergei Lavrov, gjatë takimit në Zyrën Ovale.

Vizitat e republikanit jashtë vendit përfshijnë ndalesën në Arabinë Saudite, Izrael dhe Vatikan, vende të shenjta këto për 3 fetë më të mëdha të botës. Në Rijad, Trump, i cili nuk e ka fshehur mosbesimin ndaj myslimanëve, një pjese të të cilëve edhe u përpoq t’ua ndalonte hyrjen në SHBA, do të mbajë fjalim për Islamin përpara një grupi udhëheqësish fetarë.

Në Izrael, ai shkon pas pretendimeve se zyrtarëve rusë u ka përcjellë të dhënat e ofruara nga shërbimet sekrete izraelite. Turi i tij e çon Trump edhe në Vatikan për të takuar Papa Françeskun, e më pas udhëton drejt Brukselit, ku do ta presin anëtarët e NATO-s. Udhëtimi mbyllet në qytetin siçilian Taormina, me pjesëmarrjen në takimin e G7-s.

Postuar nga Admin

Për Të Na Kontaktuar: Info@Tetova.al
Facebook Auto Publish Powered By : XYZScripts.com